औरंगाबाद : उधार घेतलेले पाच हजार रुपये परत करण्याच्या वादातून दोघांनी 45 वर्षीय व्यक्तीचा गळा दाबून खून केला यानंतर कन्नड घाटात मृतदेह फेकला . दोन दिवसानंतर ही घटना उघडकीस आली . शनिवारी दोघांच्या विरुद्ध चाळीसगाव पोलिस ठाण्यात खुनाचा गुन्हा दाखल करण्यात आला आहे . मधुकर रामदास बुटाले ( वय 45 , रा . न्यायनगर , पुंडलिक नगर , औरंगाबाद ) असे मृत व्यक्तीचे नाव आहे . घटना अशी की , 29 ऑगस्ट रोजी कन्नड घाटातील खोल दरीत एका अनोळखी पुरुषाचा मृतदेह आढळून आला होता . मृताचा चेहरा कुजलेला असल्याने ओळख पटत नव्हती . सहायक पोलिस निरीक्षक हर्षा जाधव यांनी मृताच्या चेहऱ्याचा फोटो काढून तो फोटोग्राफरकडून डेव्हलप करुन चेहरा थोडा स्पष्ट करून घेतला . त्यानंतर मृताच्या कपड्यांवरुन मयताची ओळख पटवली . याच पुराव्याच्या आधारे चाळीसगाव पोलिसांनी शनिवारी रात्री मृताचा मेहुणा गोपाल शंकर पंडीत ( वय 32 ) व त्याचा मित्र कृष्णा रामदास भोसले ( वय 25 , दोन्ही रा . औरंगाबाद ) यांना ताब्यात घेतले