কলিয়াবৰৰ বাগৰিত সংঘটিত হত্যাকাণ্ডৰ ৰহস্য ভেদ কৰিলে আৰক্ষীয়ে। সোমবাৰে কলিয়াবৰৰ বাগৰিত এগৰাকী মহিলাক খুকুৰীৰে ঘপিয়াই হত্যা কৰাৰ ঘটনা পোহৰলৈ আহিছিল। মুখত ক'লা কাপোৰ মাৰি পাঁচ দুৰ্বৃত্তই কাৰ্বি পাহাৰৰ নামনি বাগৰিত অঞ্জনা জেনা নামৰ মহিলাগৰাকীক ডিঙি কাটি হত্যা কৰি পলায়ন কৰাৰ ঘটনাই চাঞ্চল্যৰ সৃষ্টি কৰিছিল।কিন্তু জখলাবন্ধা আৰক্ষীৰ তদন্তত পোহৰলৈ আহিছে ঘটনাৰ প্ৰকৃত ৰহস্য। বিদ্যুতৰ তাৰত লগা পত্নীক উদ্ধাৰ কৰিবলৈ গৈ বিদ্যুতৰ তাৰৰ পৰিৱৰ্তে পত্নীৰ ডিঙিত ঘাপ মাৰিছিল স্বামীয়ে। সম্প্ৰতি আৰক্ষীৰ জিম্মাত হত্যাকাৰী মন্টু কুৰুৱা।