আহোম জনগোষ্ঠীক জনজাতিৰ মৰ্যদা প্ৰদান কৰাৰ ক্ষেত্ৰত চৰকাৰৰ দায়িত্ব আছে আৰু চৰকাৰ জনজাতিকৰণৰ পক্ষত আছে। সেয়েহে চৰকাৰে বিশেষজ্ঞ সমিতিৰ জৰিয়তে মডেলিটি প্ৰস্তুতৰ ব্যৱস্থা গ্ৰহণ কৰিছে। বিশেষজ্ঞ সমিতিৰ প্ৰতিবেদনৰ পাছতেই প্ৰক্ৰিয়া অনুসৰি আহোম জনগোষ্ঠীক জনজাতিৰ মৰ্যদা প্ৰদান কৰাৰ ক্ষেত্ৰত চৰকাৰে পদক্ষেপ গ্ৰহণ কৰিব। এই মন্তব্য ৰাজ্যৰ কেবিনেট মন্ত্ৰী যোগেন মহনৰ। আনহাতে আহোম জনগোষ্ঠীৰ এগৰাকী মন্ত্ৰী হিচাপে জনগোষ্ঠীটোৰ উত্তৰণৰ বাবে জনজাতিৰ মৰ্যদা প্ৰদান কৰাৰ পক্ষত আছে বুলি আজি সোণাৰিত সংবাদ মাধ্যমৰ আগত অৱগত কৰে।