শাৰদীয় দুৰ্গাপূজাত শৈশৱৰ পৰা বৃদ্ধলৈ সকলোৰে এবাৰ হলেও এখন গৰম জেলেপিৰ সোৱাদ লবলৈ মন যায়। পূজা থলিৰ পৰা ঘৰলৈ ওভটনি যাত্ৰাত হাতত জেলেপিৰ এটা টোপোলা বহুজনৰ বাবে চিনাকি দৃশ্য। পূজাৰ বতৰত মিঠাই ব্যৱসায়ৰ অন্যতম ক্ৰয়-বিক্ৰয় খাদ্য সম্ভাৰ হিচাপে জেলেপিয়ে এক সুকীয়া স্থান দখল কৰি আহিছে।চেনী,ময়দা বা মাটি মাহৰ দাইলৰ মিশ্ৰন জেলেপিৰ মুখ্য উপাদান।জেলেপিৰ পাকৰ উপমা জীৱন ক্ষেত্ৰৰ জটিল মেৰপেচৰ সৈতে তুলনা কৰা দেখা যায়।জেলেপিৰ আবিস্কাৰ কোনে কেতিয়া কৰিছিল সেয়া সঠিককৈ জানিব পৰা নাযায় যদিও  পশ্চিমবঙ্গৰ পৰা সমগ্ৰ দেশত ইয়াৰ বহুল প্ৰসাৰ হয় বুলি সৰহসংখ্যকে মতপোষন কৰি আহিছে।