নাৰায়ণপুৰ সংহত শিশু উন্নয়ণ প্ৰকল্পৰ অধীনত মুছলীমপট্ৰি সক্ৰাহী (ক) অংগনবাদী কেন্দ্ৰৰ সৌজন্যত লখিমপুৰ জিলাৰ ৫০ তম বৰ্ষপুৰ্তিত সোণালী জয়ন্তী উদ্‌যাপন উপলক্ষ্যে কেন্দ্ৰটোত বৃক্ষৰোপন আৰু পোষণ ৱাটিকা উদ্ধোধন কৰা হয় ৷ সেই উদ্দেশ্যে কেন্দ্ৰটোৰ পৰিচালিকা ৰিকি গোস্বামীয়ে আঁত ধৰা অনুষ্ঠানত পুৱা কেন্দ্ৰটোত বৃক্ষৰোপন আৰু পোষণ ৱাটিকা উন্মোচন কৰে নাৰায়ণপুৰ সংহত শিশু উন্নয়ণ প্ৰকল্প বিষয়া বাবলু বৰ্মণে ৷ অনুষ্ঠানত উপস্থিত থাকে প্ৰকল্প কাৰ্যালয়টোৰ মুখ্য সেৱিকা ক্ষীৰ গগৈ , পোষণৰ ব্লক সমন্বয়ক বিষয়া সৌৰদ্বীপ দত্ত আৰু সহকাৰী সমন্বয়ক পৰিস্মিতা বৰা , গাঁও প্ৰধান বসন্ত বৰুৱা আৰু সমাজকৰ্মী বিনোদ তামুলী ৷ অংগনবাদী কেন্দ্ৰৰ সন্মুখত এই বৃক্ষৰোপণ আৰু পোষণ ৱাটিকা পাতি কেন্দ্ৰটোৰ শিশুসকলৰ বাবে খাদ্য উপযোগী শাক পাচলি , ফলমুল আৰু ঔষধি গুণযুক্ত পাচলি আদিৰ খাদ্য প্ৰস্তুত কৰা হ’ব ৷