সোণাৰি সমষ্টিৰ বিধায়ক ধৰ্মেশ্বৰ কোঁৱৰে আজি চফ্ৰাই গাঁও পঞ্চায়তৰ অন্তৰ্গত কৰিয়াফলা পেভাৰ ব্লক ৰাষ্টাৰ শুভ উদ্বোধন কৰে। জিলা পৰিষদৰ পঞ্চদশ বিত্তীয় ২০২০-২০২১ আৰু ২০২১-২০২২ বৰ্ষৰ প্ৰায় ৭,৫০,০০০ টকা ব্যয়ৰে নিৰ্মাণ কৰা হয় এই ৰাষ্টাটো। অতি খৰতকীয়াকৈ এই ৰাষ্টা নিৰ্মাণ কৰা বাবে জিলা পৰিষদৰ শলাগ লয় বিধায়ক গৰাকীয়ে। আনহাতে ৰাইজৰ বহু দিনীয়া এটা সমস্যা আজি দূৰ কৰিবলৈ সক্ষম হ'ল তাৰ বাবে মুখ্যমন্ত্ৰী ড০ হিমন্ত বিশ্ব শৰ্মা নেতৃত্বাধীন অসম চৰকাৰলৈ ধন্যবাদ জ্ঞাপন কৰে। উক্ত শুভ উদ্বোধনী অনুষ্ঠানত উপস্থিত থাকে জিলা পৰিষদৰ সভানেত্ৰী বন্তি কোঁৱৰ , জিলা পৰিষদৰ সদস্যা জিনু কোঁৱৰ, বিজেপি ৰাজ্যিক সদস্য দিলীপ কোঁৱৰ, জিলা পৰিষদৰ মুখ্য কাৰ্যবাহী বিষয়া বিদিত দাস ৰ লগতে কেইবাজনো দলীয় কাৰ্যকৰ্তা আৰু শতাধিক স্থানীয় ৰাইজ উপস্থিত থাকে।