આજથી નવરાત્રિ શરૂ થાય છે અને નોરતાં એટલે શક્તિની પૂજાનું પર્વ. અત્યારસુધી નારીને આપણે અશક્ત ગૃહિણી તરીકે જોતા હતા, પરંતુ આ બબલીઓને જોશો તો તમારા હાંજા ગગડી જશે. જૂડો-કરાટે અને ગન ફાયરિંગમાં એક્સપર્ટ એવી આ છે ફીમેલ બાઉન્સર્સ. ચપળ, સ્ફૂર્તિલી, ઠંડા દિમાગથી કોઈપણ પરિસ્થિતિને પહોંચવા સક્ષમ આ ફીમેલ બાઉન્સર્સની કાર્યક્ષમતા અચૂક છે. એટલે જ તો હવે ગુજરાત આવતા મોટા ભાગના સેલિબ્રિટીઓ લોકલ સિક્યોરિટી માટે ફીમેલ બાઉન્સર્સની જ ડિમાન્ડ કરે છે.