শনিবাৰে নিশাৰ ভাগত মুখ্যমন্ত্ৰী হিমন্ত বিশ্ব শৰ্মাই সদগুৰুৰ সৈতে কাজিৰঙা ৰাষ্ট্ৰীয় উদ্যানত চফৰ কৰাৰ পিছতেই প্ৰতিক্ৰিয়াৰ সৃষ্টি হৈছে ৰাজ্যত। অভিযোগ অনুসৰি মুখ্যমন্ত্ৰীয়ে বন্যপ্ৰাণী আইন ১৯৭২ উলংঘা কৰি নিশা গাড়ীৰে উদ্যানত চাফাৰী কৰে যি একপ্ৰকাৰ আইনবিৰুদ্ধ।বন্যপ্ৰাণী আইন অনুসৰি নিশাৰ ভাগত উদ্যানত প্ৰৱেশ কৰাৰ ক্ষেত্ৰত নিষেধাজ্ঞা আছে। আৰু ইয়াৰ পিছতেই কাজিৰঙাৰ লগতে ৰাজ্যজুৰী তীব্ৰ প্ৰতিক্ৰিয়াৰ সৃষ্টি হয়। মুখ্যমন্ত্ৰী, সদগুৰু আৰু জয়ন্ত মল্ল বৰুৱাৰ বিৰুদ্ধে বোকাখাত আৰক্ষী চকীত এজাহাৰ দাখিল কৰে সমাজকৰ্মী সোণেশ্বৰ নৰহ আৰু প্ৰদীপ পেগুৱে।