খাদ্যৰ সন্ধানত বনাঞ্চলৰ পৰা ওলাই আহি জনাঞ্চলত প্ৰবেশ কৰিছে বন্যহস্তীয়ে। জামুগুৰিহাটৰ উত্তৰাঞ্চলটো অব্যাহত আছে বন্যহস্তীৰ উপদ্ৰৱ।নামেৰী ৰাষ্ট্ৰীয় উদ্যানৰ পৰা নিশাৰ ভাগত ওলাই অহা বন্যহস্তীয়ে জামুগুৰিহাটৰ উত্তৰাঞ্চলৰ দুইনং বৰদিকৰাই, খৃষ্টানবস্তী, আজাৰগুৰি, বামুণীপামকে ধৰি একাধিক অঞ্চলৰ ৰাইজৰ খেতিখোলা নষ্ট কৰিছে।বিশেষকৈ বন্যহস্তীৰ জাকে কৃষক ৰাইজৰ ধানখেতি খেচিগুলি তহিলং কৰিছে। নামেৰী ৰাষ্ট্ৰীয় উদ্যানৰ পৰা বৰদিকৰাই নদী পাৰ হৈ প্ৰবেশ কৰা বন্যহস্তীৰ জাকক নিয়ন্ত্ৰণ কৰাৰ ব্যৰ্থ হৈছে বনবিভাগ।উল্লেখ্য যে যোৱা এক দশকৰ ভিতৰত অঞ্চলটোত কুৰিজনৰো অধিক লোকে বন্যহস্তীৰ আক্ৰমণত মৃত্যু হোৱাৰ বিপৰীতে বহুলোক ঘুণীয়া হৈছে ।