আজি মহলয়া৷বিভিন্ন প্ৰান্তত পূৱতিনিশাৰে পৰা অজস্ৰ ভক্তপ্ৰাণ ৰাইজে উলহমালহেৰে উদযাপন কৰিছে মহলয়া৷প্ৰবাদ অনুযায়ী আজিৰে পৰা দেৱী দুৰ্গা ধৰালৈ নামি আহিব৷শৰৎকালৰ শেৱালি সৰা নিশাৰ নিস্তব্ধতা ভেদি টোপটোপকৈ নিয়ৰ সৰিছে৷দুৱৰীৰ দলিচাত নিয়ৰৰ মুকুতা উজ্বলি উঠিছে৷এনেহেন মনপ্ৰাণ হৰি নিয়া পৰিবেশত দেৱী বন্দনাত মুখৰিত হব ধৰা৷সকলোৱে যেন দেৱীৰ চৰণযুগলত এপাহ ফুল দিয়াৰ বাবে বাট চাই আছে৷বিভিন্ন প্ৰান্তৰ লগতে নলবাৰী জিলাৰ দেহাৰকুছিৰ পশ্চিম বড়িগোগ সাৰ্ব্বজনীন শ্ৰীশ্ৰী দুৰ্গাপূজাৰো ব্যাপক প্ৰস্তুতি চলিছে৷জানিব পৰামতে উক্ত পূজাস্থলীত এইবেলিৰ পৰা কংক্ৰিটৰ স্থায়ী প্ৰতিমাত পূজা উদযাপিত হব৷