গোলাঘাট জিলাৰ কমাৰগাঁও আৰক্ষী থানাৰ অন্তৰ্গত পানীদিহিঙীয়াত আজি এজন অৱসৰপ্ৰাপ্ত শিক্ষকে পথাৰত গৰু এৰাল দিবলৈ গৈ কৰুণ মৃত্যুক সাৱটি লোৱা ঘটনাই সমগ্ৰ অঞ্চলটোত শোকৰ ছাঁ পেলাইছে । জানিব পৰা মতে কমাৰগাঁৱৰ পানীদিহিঙীয়া গাঁৱৰ গুঞ্জ বৰুৱা নামৰ ৭৫ বছৰীয়া অৱসৰপ্ৰাপ্ত শিক্ষক গৰাকীয়ে ঘৰৰ কাষৰে পথাৰত গৰু বান্ধিবলৈ যাওতে অকস্মাৎ গৰুৰ ৰচীত জোঁট লগাত গৰুৱে টানি নিয়ে আৰু লোকজন পথাৰৰ বোকাত পৰি যায়। বোকাত লুতুৰী পুতুৰী হৈ বহু দেৰিলৈকে পথাৰত পৰি থাকে লোকজন। ইফালে গুঞ্জ বৰুৱা বহু সময়লৈকে ঘুৰি নহাত পৰিয়ালৰ লোকে বিচাৰ খোচাৰ কৰাত পথাৰত লোকজন পৰি থকা দেখা পায়। পথাৰৰ পৰা আনি পৰিয়ালৰ লোকে কমাৰগাঁও ক্ষুদ্ৰ প্ৰাথমিক স্বাস্থ্য কেন্দ্ৰলৈ নিয়ে যদিও চিকিৎসকে লোকজনক মৃত ঘোষনা কৰে । ইফালে ঘটনাস্থলীত আৰক্ষী এটি দল উপস্থিত হৈ মৃতলোকজনক মৰণোত্তৰ পৰীক্ষাৰ বাবে গোলাঘাট কুশল কোঁৱৰ অসামৰিক চিকিৎসালয়লৈ প্ৰেৰণ কৰে। সৰবৰাহী অৱসৰপ্ৰাপ্ত শিক্ষক গৰাকীৰ মৃত্যুত সকলোৱে গভীৰ শোক প্ৰকাশ কৰিছে।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
