વિસનગર તાલુકાના કડા ગામે ઉમિયાનગર સોસાયટીમાં રહેતા યુવકને છોકરી ભગાડવામાં તારો હાથ છે, તેમ કહી યુવકને ત્રણ શખ્સોએ માર મારતા વિસનગર તાલુકા પોલીસ મથકમાં ફરિયાદ નોંધાવી હતી.

વિસનગર તાલુકાના કડા ગામે ઉમિયાનગર માં રહેતા પટેલ સુભાષભાઈ સોમાભાઈ પોતાના ઘરે હાજર હતાં. તે દરમિયાન પટેલ સતીષભાઈ પ્રહલાદભાઈ હાથમાં લોખંડની પાઇપ તથા તેમનો છોકરો રાજ સતીષભાઈ પટેલ હાથમાં ધોકો તેમજ પટેલ દિપુકુમાર રોહિતભાઈ પોતાના હાથમાં લાકડી લઇ ઘરે આવી કહેવા લાગ્યા દીકરી ગુમ થઈ છે તેમા તારો હાથ છે. જેથી યુવકે જણાવ્યું હતું કે, હું કઈ જાણતો નથી, તેમ છતાં તમારી દીકરીને શોધવાનો પ્રયત્ન કરીશું. એમ કહેવા છતાં પણ ત્રણેય શખ્સોએ ઉશ્કેરાઈ જઈ અપશબ્દો બોલી, ગડદાપાટુનો માર મારતા સુભાષભાઈને ઇજાઓ પહોચી હતી. ઝપાઝપીમાં પૈસા પણ પડી ગયા હતા અને જાનથી મારી નાખવાની ધમકી આપતા સુભાષભાઈએ ત્રણેય શખ્સો સામે વિસનગર તાલુકા પોલીસ મથકમાં ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે.