कन्नड तालुक्यातील विठ्ठलपुर येथिल टेकडी वस्तीवरील विद्यार्थीनी श्रध्दा सोमिनाथ पिंपळे शाळेतून सायकलने घरी जात असलेल्या   या विद्यार्थिनीला भरधाव ट्रॅक्टरने चिरडले . बनशेंद्रा येथील छत्रपती शिवाजी विद्यालयात ती सातवीत शिक्षण घेत होती . दररोज सायकलवर टेकडी वस्ती ते बनशेंद्रा अपडाऊन करत असे . मृत श्रद्धा पिंपळे पाणपोई बहिरगाव फाटा या ठिकाणी ५ जेसीबी व १० ट्रॅक्टरच्या सहाय्याने तीन दिवसांपासून एका गटात बहिरगाव रस्ता ओलांडून भराव टाकण्याचे काम करण्यात ट्रॅक्टरखाली अडकलेली सायकल , स्कूलबॅग . येत आहे . हे कामे करताना बहिरगाव पाणपोई रस्त्यावर पावसामुळे चिखल झालेला आहे . या ठिकाणी भराव टाकताना कसल्याही सुरक्षा उपायांची तमा न बाळगता भरधाव व निष्काळजीपणे येथून ट्रॅक्टर ये - जा करताना दिसून येत आहेत . शुक्रवारी साडेचार वाजेच्या सुमारास शाळा सुटल्यानंतर सायकलवरून घरी जात असताना भरधाव व निष्काळजीपणे ट्रॅक्टर चालवून ट्रॅक्टरच्या मोठ्या चाकाखाली सापडून ही विद्यार्थिनी चिरडल्या गेली . तिला गंभीर जखमी अवस्थेत कन्नडच्या ग्रामीण रुग्णालयात दाखल केले असता तेथे मृत घोषित करण्यात आले . उत्तरीय तपासणीनंतर मृतदेह नातेवाईकांच्या ताब्यात देण्यात आला . रात्री उशिरापर्यंत कन्नड शहर पोलिस ठाण्यात गुन्हा नोंदवण्याची प्रक्रिया सुरू होती . दरम्यान , मुलीला चिरडल्याची घटना घडल्यानंतर संतप्त नातेवाइकांनी ठाण्यात जमा झाले होते . कारवाई होत नाही तोपर्यंत मृतदेह ताब्यात घेणार नाही असा पवित्रा संतप्त नातेवाईकांनी घेतल्याने रात्री उशिरापर्यंत तणावाचे वातावरण होते .