নলবাৰী জিলাৰ ঘগ্ৰাপাৰ আৰক্ষী থানাৰ অন্তৰ্গত নাৰপাৰাত নলবাৰী মেডিকেল কলেজৰ এখন গাড়ীৰ খুন্দাত এজন লোক নিহত হোৱাত অঞ্চলজুৰি চাঞ্চল্য সৃষ্টি হৈছিল৷উল্লেখ্য যে ধনৰা গাৱঁৰ বাপন কলিতা(৪২)নামৰ লোকজনে নাৰপাৰাৰ এখন দোকানৰ সন্মুখত থিয়হৈ থাকোতে উদণ্ড দ্ৰাইভাৰে খুন্দিয়াই আহত কৰে৷ৰাইজে ততাতৈয়াকৈ নলবাৰী শ্বহীদ মুকুন্দ কাকতি অসামৰিক চিকিৎসালয়লৈ নিয়ে যদিও তাতে তেওঁক মৃত্যু ঘোষণা কৰে৷মৃত বাপন কলিতা দতৰা গাওঁ পঞ্চায়তৰ সদস্য আছিল৷মৃত্যুৰ সময়ত তেওঁ পত্নী সহ দুই পুত্ৰ কন্যাক ইহসংসাৰত এৰি যায়৷