অত্যাৱশ্যকীয় খাদ্য আৰু ইন্ধনজাত সামগ্ৰী মূল্য বৃদ্ধিৰ বিৰুদ্ধে আজি অসম জাতীয়তাবাদী যুৱ-ছাত্ৰ পৰিষদৰ মৰাণ আঞ্চলিক সমিতিয়ে ৰূপায়ণ কৰে যোগান মন্ত্ৰী ৰঞ্জিত দাসৰ প্ৰতিকৃতি দাহ কাৰ্যসূচী। অসম জাতীয়তাবাদী যুৱ-ছাত্ৰ পৰিষদৰ কৰ্মী সকলে মৰাণ নগৰৰ মাজমজিয়াত ট্ৰেফিক পইণ্টত বিভিন্ন শ্লোগানেৰে এক উত্তাল পৰিবেশৰ সৃষ্টি কৰে।লগতে প্ৰতিবাদকাৰী সকলে যোগান মন্ত্ৰীৰ প্ৰতিকৃতি দাহেৰে চৰকাৰক সকিয়াই দিয়ে যে অনাগত সময়ত যদি চৰকাৰখনে মূল্য বৃদ্ধি ৰোধ নকৰে,তেনেহলে ইয়াতকৈ ভয়াবহ আন্দোলনৰ কাৰ্যসূচী গ্ৰহন কৰিব বুলি সকিয়াই দিয়ে।