৬৮ সংখ্যক ৰাষ্ট্ৰীয় চলচ্চিত্ৰ প্ৰতিযোগিতাত শ্ৰেষ্ঠ অসমীয়া ছবিৰ ৰজত কমল বঁটাকে ধৰি ১৯ টাকৈ ৰাষ্ট্ৰীয় তথা আন্তঃৰাষ্ট্ৰীয় সন্মান বুটলিবলৈ সক্ষম হোৱা কথাছৱি "ব্ৰীজে" অহা ৩০ ছেপ্তেম্বৰত মুক্তি লাভ কৰিব অসমৰ বিভিন্ন চিত্ৰগৃহত।দূৰ্গাপূজাৰ বতৰতে মুক্তি পাব লগা চলচ্চিত্ৰখনৰ পৰিচালক কৃপাল কলিতা, মূখ্য অভিনেত্ৰী শিৱাৰাণী কলিতা,পাৰ্থপ্ৰতিম বড়া, অংকিতা নন্দিনী চমুৱাৰ লগতে অন্যান্য একাংশ অভিনেতা,অভিনেত্ৰীৰ উপস্থিতিত আজি ঢকুৱাখনাৰ বিভিন্ন শিক্ষানুষ্ঠান আৰু ৰাজহুৱা স্থানত চিনেমাখনৰ প্ৰচাৰ চলোৱা পৰিলক্ষিত হয়।আজি পুৱা ১০.৩০ বজাত ঢকুৱাখনা কলেজত প্ৰচাৰ চলোৱাৰ পিছতেই ১১.৩০ বজাত নৰ্মাল স্কুল ঢকুৱাখনাতো শিল্পী-কলা-কৌশলীসকল উপস্থিত হৈ প্ৰচাৰ চলাই।এই প্ৰচাৰ কাৰ্যসূচীত ঢকুৱাখনা নৰ্মাল স্কুলৰ অধ্যক্ষ লক্ষী কোঁৱৰ শিক্ষক ক্ৰমে অপৰাজিতা বুঢ়াগোহাঁই, পল্লৱী গগৈ, অতিথি শিক্ষক তোলন দত্ত, আৰু ৰাজীৱ বৰুৱাই সহযোগিতা আগবঢ়াই। পৰিচালক কলিতাই ৮০% শতাংশ দৃশ্যগ্ৰহণ ঢকুৱাখনাৰ বিভিন্ন ঠাইত হোৱা চিনেমাখন চাবলৈ সকলোকে আহ্বান জনাই।