চৰাইদেউ জিলা বিজেপিৰ মুখ্য কাৰ্যালয়ত আজি অনুষ্ঠিত হোৱা মহিলা মৰ্চাৰ জিলা সমিতিৰ কাৰ্যনিৰ্বাহক সভাত উপস্থিত থাকে সোণাৰি সমষ্টিৰ বিধায়ক ধৰ্মেশ্বৰ কোঁৱৰ। তেখেতে মহিলা সকলক উদ্দেশ্যি নাৰী সৱলীকৰণৰ সন্দৰ্ভত বক্তব্য প্ৰদান কৰে সভাখনত। তেখেতে কয় প্ৰতি গৰাকী নাৰীয়ে হৈছে প্ৰতিভাৰ আকৰ, নাৰী সকলৰ মাজত অফুৰন্ত শক্তি আছে যি শক্তিয়ে ঘৰখন, সমাজ খন, ৰাজ্য খনৰ লগতে দেশখনক সলনি কৰিব পাৰে। অসম বুৰঞ্জীৰ উদ্ধৃতি দি মূলা গাভৰু, জয়মতী কুঁৱৰী, কুৰঙ্গনয়নীৰ আদৰ্শৰে অনুপ্ৰাণিত আৰু তেনে মহীয়সী নাৰীৰ মহীয়ান অসমৰ নাৰী সমাজ বুলি মন্তব্য কৰে। উক্ত সভাত উপস্থিত থাকে চৰাইদেউ জিলা বিজেপিৰ সাধাৰণ সম্পাদক স্বাক্ষৰ জ্যোতি গগৈ, মহিলা মৰ্চাৰ জিলা সমিতিৰ সভানেত্ৰী প্ৰণীতা পাংগিং, ৰাজ্যিক উপসভানেত্ৰী তথা চৰাইদেউ জিলা মহিলা মৰ্চাৰ তত্বাৱধায়ক মধুমিতা দত্ত, ৰাজ্যিক মহিলা মৰ্চাৰ সাংস্কৃতিক কোষৰ আহ্বায়িকা প্ৰিয়ংকা কলিতা গগৈ, সাধাৰণ সম্পাদিকা ললিতা বড়া, জুৰি মহন, সম্পাদিকা জোনমনি বড়া বৰুৱা, বৰুৱাছালি জিলা পৰিষদৰ সদস্যা পূৰবী গগৈ,লাকুৱা জিলা পৰিষদৰ সদস্যা মুনমুনি ৰাজকুমাৰী ৰ লগতে মহিলা মৰ্চাৰ জিলা আৰু মন্ডলৰ সমূহ বিষয় ববীয়া সকল।