লখিমপুৰত জিলাত আজিৰে পৰা আৰম্ভ হৈছে বিশেষ ডায়েৰীয়া নিয়ন্ত্ৰণ পষেক ২০২২ ৰ আৰম্ভণি ৷ আজি  জিলা  যুটীয়া স্বাস্থ্য সঞ্চালক ডা° জগদীশ গোস্বামীয়ে স্বাস্থ্যকৰ্মী , বিষয়া আৰু ৰাইজৰ  উপস্থিতিত পষেক যোৰা অভিযানৰ শুভ আৰম্ভণি কৰে ৷ এই বিশেষ কাৰ্যসুচী অনুসৰি জিলাখনৰ কোনো শিশু যাতে ডায়েৰীয়াত আক্ৰান্ত হৈ মৃত্যুমুখত নপৰে তাক নিশ্চিত কৰা হ’ব ৷  আনহাতে পষেকীয়া  অভিযানটোৰ লগত সংগতি ৰাখি লখিমপুৰ জিলা অতিৰিক্ত উপায়ুক্ত (স্বাস্থ্য) গীতালি দুৱৰাই শুভাৰম্ভ কৰে  ৰাষ্ট্ৰীয় স্বাস্থ্য অভিযানৰ অংশ স্বৰুপে লখিমপুৰে আৰম্ভ কৰা সজাগতামুলক মবাইল বাহন সেৱা ৷  মবাইল চিকিৎসা সেৱাৰ জৰিয়তে জিলাখনৰ স্বাস্থ্য উপকেন্দ্ৰসমুহত গৈ অআৰএছ আৰু জিংক কৰ্নাৰ প্ৰস্তুত কৰা আৰু স্বাস্থ্য কৰ্মীসকলে ঘৰে ঘৰে গৈ ৰাইজক ডায়েৰীয়া সম্পৰ্কে সজাগতা সৃষ্টি কৰা হ’ব ৷ উল্লেখ্য যে জুন জুলাই মাহত জিলাখনত শিশুৰ পৰা বয়োজ্যেষ্ঠ বহুলোক ডায়েৰীয়াত আক্ৰান্ত হৈ মৃত্যু পযন্ত হৈ আহিছে ৷ স্বাস্থ্য বিভাগৰ এনে সজাগতামুলক সেৱাৰ দ্বাৰা জিলাবাসী উপকৃত হোৱাৰ আশা কৰা হৈছে ৷