চিলাপথাৰত সদৌ অসম ইভেণ্ট ডেকৰেটৰ্চ ৱেলফেয়াৰ এছোচিয়েশ্যনৰ সভা কেইবাটাও গুৰুত্বপূৰ্ণ প্ৰস্তাৱ গ্ৰহণ

সদৌ অসম ইভেণ্ট ডেকৰেটৰ্চ ৱেলফেয়াৰ এছোচিয়েশ্যনৰ এখন কাৰ্য্যকৰী সভা আজি চিলাপথাৰত অনুষ্ঠিত কৰা হয় । সংগঠনটোৰ ধেমাজি জিলা সমিতিৰ আতিথ্যত চিলাপথাৰ পালপট্টি ৰোডত অনুষ্ঠিত কৰা সভাখনত অসমৰ কুৰিখনতকৈও অধিক জিলাৰ প্ৰতিনিধিয়ে অংশগ্ৰহণ কৰে । সভাখনত সভাপতিত্ব কৰে সংগঠনটোৰ সভাপতি বিতু তালুকদাৰে । সভাত আগন্তুক চিমেনচাপৰিত অনুষ্ঠিত হ'বলগীয়া শ্ৰীমন্ত শঙ্কৰদেৱ সংঘৰ বাৰ্ষিক অধিবেশন আৰু লখিমপুৰত অনুষ্ঠিত হ'বলগীয়া অসম সাহিত্য সভাৰ বিশেষ অধিবেশনত যাবতীয় পেণ্ডেল আদিৰ কাম সদৌ অসম ইভেণ্ট ডেকৰেটৰ্চ ৱেলফেয়াৰ এছোচিয়েশ্যনৰ পঞ্জীয়নভূক্ত ডেকৰেটৰক দিবৰ বাবে আহ্বান জানাই প্ৰস্তাৱ গ্ৰহণ কৰাৰ লগতে সাংগঠনিক দিশত কেইবাটাও গুৰুত্বপূৰ্ণ প্ৰস্তাৱ গ্ৰহণ কৰে বুলি জানিবলৈ দিছে । সভাত সংগঠনটোৰ উপসভাপতি অংকুৰ কুমাৰ গগৈ, হেৰেম্বৰ নাথ, সম্পাদক সঞ্জয় চক্ৰৱৰ্তী, উপদেষ্টা ৰবি মণ্ডল, যুটীয়া সম্পাদক ক্ৰমে মোজাম্মিল হক, নিৰঞ্জন গগৈ, নিতুল নেওগ, ৰবাৰ্ট ৰঞ্জন বৰা, দিলীপ ৰয়কে ধৰি সংগঠনটোৰ অৰ্ধশতাধিক সদস্য ।