লখিমপুৰ জিলাৰ অসম অৰুণাচল সীমান্ত বান্দৰদেৱাত অপহৰনৰ প্ৰচেষ্টা। এজন দশম শ্ৰেণীত অধ্যৰনৰত ছাত্ৰক ঘৰৰ ভিতৰৰ পঢ়া টেবুলৰ পৰাই অপহৰণৰ চেষ্টা। সন্ধিয়া ঘৰত পিতৃ মাতৃ নথকা অৱস্থাত ঘৰৰ পৰাই দাঙি চোচোৰাই লৈ গল জিতেন্দ্ৰ ঠেঙাল নামৰ দশম শ্ৰেণীৰ ছাত্ৰ জনক। ১৫ নং ৰাষ্ট্ৰীয় ঘাইপথৰ দাঁতিতে থকা ঘৰখনৰ পৰাই অপহৃত হোৱাৰ পিছত কেৱল নিজৰ বুদ্ধি কৌশলেৰে অপহৰণকাৰীৰ হাতৰ পৰা সাৰি আহিবলৈ সক্ষম হল বান্দৰদেৱাৰ জয়ৰাম ঠেঙালৰ পুত্ৰ জিতেন্দ্ৰ ঠেঙাল। দশম শ্ৰেণীৰ ছাত্ৰজনৰ পৰীক্ষা চলি থকাৰ বাবে নিজৰ ঘৰৰ দুৱাৰ বন্ধ কৰি অধ্যয়নত ব্যস্ত আছিল ছাত্ৰজন।কিন্তু দুৱাৰত দিয়া টোকৰত নিজৰ পিতৃ বা মাতৃ আহিছে বুলি ভাবি দুৱাৰ খুলি দিয়াৰ পিছতে দাংকোলাকৈ লৈ যায় অপহৰণ কাৰীয়ে। ঘটনা সম্পৰ্কত ইতিমধ্যে পৰিয়ালে বান্দৰদেৱা আৰক্ষীক অবগত কৰিছে।