অসমৰ অপেছাদাৰী নাট্য আন্দোলনৰ অন্যতম সাধক চৈয়দ নাজিম আহমেদক কালি সন্ধিয়া এক গাম্ভীৰ্যপূৰ্ণ অনুষ্ঠানত তেজপুৰৰ ঐতিহ্যমণ্ডিত বাণ থিয়েটাৰে প্ৰদান কৰে "বাণ থিয়েটাৰ বঁটা" । নটসূৰ্য্য ফণী শৰ্মাৰ ৫২ সংখ্যক স্মৃতিদিৱসৰ দিনটোত কালিৰে পৰা পাঁচদিনীয়াকৈ আয়োজিত নটসূৰ্য্য ফণী শৰ্মা সোঁৱৰণী নাট সমাৰোহৰ কালি প্ৰথম দিনটোৰ বিশেষ স্মৃতিচাৰণ আৰু শ্ৰদ্ধাঞ্জলি অনুষ্ঠানতে বাণ থিয়েটাৰৰ প্ৰাক্তন সভাপতি, বিশিষ্ট শিক্ষাবিদ অখিল চন্দ্র শৰ্মাক বিশেষ ভাবে সম্বৰ্ধনা জ্ঞাপন কৰাৰ লগতে বিগত দুটা বছৰৰ বাণ থিয়েটাৰৰ অন্নদা কুমাৰ পদ্মপতি সোঁৱৰণী শ্ৰেষ্ঠ অভিনেতাৰ বঁটা ক্ৰমে সুজিত শৰ্মা আৰু তাজ হুছেইনক আৰু কাৰ্তিক হাজৰিকা সোঁৱৰণী ন্যাসৰ বঁটা শিশু অভিনয় শিল্পী জাগৃতি কৌণ্ডিন্যক প্ৰদান কৰাৰ উপৰি তিনিখনকৈ গুৰুত্বপূৰ্ণ গ্ৰন্থও উন্মোচিত কৰা হয়।