১০৯ নং বিহপুৰীয়া সমষ্টিৰ বিধায়ক অমিয় কুমাৰ ভূঞা আৰু বিধায়কৰ দক্ষতা বিকাশ সমিতিৰ উদ্যোগত যোৱা ৩ জুলাইৰ পৰা সমষ্টিটোৰ তিনিটা স্থানত অনুষ্ঠিত হৈছে অগ্নিবীৰত ভৰ্তিৰ বাবে বিনামুলীয়া প্ৰশিক্ষণ ৷ নাৰায়ণপুৰ উচ্চতৰ মাধ্যমিক বিদ্যালয়ৰ খেলপথাৰ বিহপুৰীয়াৰ কাৱৈমাৰি খেলপথাৰ আৰু পথালিপাহাৰত শংকৰদেৱ মহাবিদ্যালয়ৰ খেলপথাৰত অনুষ্ঠিত হৈছে এই প্ৰশিক্ষণ ৷ সমষ্টিটোৰ যুৱক যুবতীসকলক দেশৰ সেনাবাহিনীত নতুনকৈ সংযোগ ঘটোৱা অগ্নিবীৰ পদত নিজকে বাচনিভুক্ত কৰাৰ লগতে অন্য পদতো অন্তভূক্ত হোৱাৰ বাবে বিধায়ক অমিয় কুমাৰ ভুঞাই এই উদ্যোগ লয় ৷ বিধায়কগৰাকীয়ে পুৱা প্ৰতিটো কেন্দ্ৰত গৈ পৰ্যবেক্ষণ কৰাৰ লগতে নিজেও যুৱক যুৱতীসকলৰ সৈতে প্ৰশিক্ষণ গ্ৰহণ কৰি উৎসাহ যোগাই আহিছে ৷ সমষ্টিৰ যুৱক যুৱতীসকল এনে প্ৰশিক্ষণৰ জৰিয়তে স্বাস্থ্যবান আৰু নিৰোগী হোৱাটো গুৰুত্বপূৰ্ণ লক্ষন বুলি অভিহিত কৰা বিধায়কগৰাকীয়ে ইয়াৰ পূৰ্ৱে সমষ্টিটোত আৰক্ষী পদৰ বাবে অনুষ্ঠিত কৰিছিল এনে প্ৰশিক্ষণ ৷ যাৰ দ্বাৰা সমষ্টিটোৰ শতাধিক যুৱক যুৱতী আৰক্ষী বিভাগত যোগদানৰ সুবিধা লাভ কৰিছিল ৷