কংগ্ৰেছ অধ্যক্ষ পদত অধিষ্ঠিত হ'ব নেকি শশী থাৰুৰ? ছোনিয়া গান্ধীক সাক্ষাৎ কৰাৰ পিছতে এই প্ৰশ্নৰ অৱতাৰণা হৈছে দলীয় নেতা-কৰ্মীৰ মাজত।
জ্যেষ্ঠ কংগ্ৰেছ নেতা তথা দলৰ পৰিৱৰ্তনৰ দাবী উত্থাপন কৰি অহা শশী থাৰুৰে অহা মাহত হ’বলগীয়া আভ্যন্তৰীণ নিৰ্বাচনত সভাপতি পদৰ বাবে অৱতীৰ্ণ হোৱাৰ বাবে জো-যা চলাইছে।
ইয়াৰ বাবে আজি দলৰ মুৰব্বী ছোনিয়া গান্ধীৰ সৈতেও লগ হয় থাৰুৰে। এক নিৰ্ভৰযোগ্য সূত্ৰই প্ৰকাশ কৰিছে এই খবৰ।
দলটোৰ অন্তৱৰ্তীকালীন সভাপতি ছোনিয়া গান্ধীয়ে বিদেশত চিকিৎসা গ্ৰহৰ অন্তত দেশলৈ উভতি অহাৰ পিছতে আজি শশী থাৰুৰ আৰু আন কেইজনমানক লগ পোৱাৰ অলপ পিছতে এই বিষয়ে সেউজ সংকেট দিয়ে।
