আহোম জনগোষ্ঠীক জনজাতিৰ মৰ্যদা প্ৰদান কৰাৰ লগতে স্বায়ত্ব শাসনৰ দাবী উত্থাপন কৰি আজি সোণাৰিত প্ৰতিবাদ সাব্যস্ত কৰে টাই আহোম যুৱ পৰিষদ অসমে। জনগোষ্ঠীটোৰ সৰ্বাংগীন বিকাশৰ বাবে দীৰ্ঘদিন ধৰি আহোম জনগোষ্ঠীৰ সংগঠন সমূহে দাবী জনায় অহাৰ পাছতো চৰকাৰে গুৰুত্ব আৰোপ নকৰাত আজি পুনৰ সৰৱ হৈ উঠিছে টাইপা। সোণাৰিত টাইপাৰ উদ্যোগত আজি অনুষ্ঠিত হোৱা অৱস্থান ধৰ্মঘট কাৰ্যসূচীত অংশগ্ৰহণ কৰি সংগঠনটোৰ কেন্দ্ৰীয় কাৰ্যকৰী সভাপতি ভৃগু হাতীমূৰীয়াই চৰকাৰে আহোম জনগোষ্ঠীক দীৰ্ঘদিন ধৰি প্ৰতাৰণা কৰা বুলি অভিযোগ উত্থাপন কৰিছে।