চৰকাৰৰ মন্ত্ৰী বিধায়কৰ পৃষ্ঠপোষকতাতেই নিযুক্তিৰ ক্ষেত্ৰত দুৰ্নীতি সংঘটিত হৈ আহিছে লুৰীণ জ্যোতি গগৈ । টিংখাঙৰ ডিকচাম চাহ বাগিচাত অনুষ্ঠিত হোৱা ফুটবল খেলত উপস্থিত থাকি নিযুক্তি কেলেংকাৰিক লৈ বিস্ফোৰক মন্তব্য কৰিলে অসম জাতীয় পৰিষদৰ সভাপতি লুৰীণ জ্যোতি গগৈয়ে। জাতীয় পৰিষদৰ সভাপতি গৰাকীয়ে কয়, চৰকাৰৰ মন্ত্ৰী বিধায়কৰ পৃষ্ঠপোষকতাতেই নিযুক্তিৰ ক্ষেত্ৰত দুৰ্নীতি সংঘটিত হৈ আহিছে। ভিক্টৰ দাসৰ পাছত কেইবাজনেও বিজেপিৰ মন্ত্ৰী বিধায়কৰ নাম উল্লেখ কৰি দুৰ্নীতি সংঘটিত কৰাৰ অভিযোগ উত্থাপন কৰা বিষয়টোৱে বিজেপি চৰকাৰৰ দিনত যে ব্যাপক দুৰ্নীতি সংঘটিত হৈ আছে সেই কথা প্ৰমাণ কৰিছে।