कन्नड़ तालुक्यातिल नाद़रपूर येथे मराठवाडा मुक्तिसंग्राम दिनानिमित्त ग्रामपंचायत कार्यालयासमोर ध्वजारोहण उपसरपंच सागर रामदास निकम यांच्या हस्ते करण्यात आले . त्यानंतर पिशोर येथील शहीद जवान सुनील दादाराव जाधव यांना श्रद्धांजली अर्पण करण्यात आली . त्यानिमित्ताने ग्रामपंचायत नादरपूरतर्फे शहीद जवानांच्या स्मृतिप्रीत्यर्थ चार आंब्याची व एक नारळाचे रोप पिशोर ग्रामस्थांना देण्यात आले . तसेच पंतप्रधान नरेंद्र मोदी यांच्या वाढदिवसानिमित्त नादरपूर गावठाण हद्दीत भाजप शाखेच्या वतीने वृक्षारोपण करण्यात आले . पंधराव्या वित्त आयोगाअंतर्गत मागासवर्गीय वस्तीत भूमिगत गटाराचे उद्घाटन करण्यात आले . जिल्हा परिषद शाळेतील ध्वजारोहण शालेय समिती सदस्य गणेश प्रभाकर निकम यांच्या हस्ते करण्यात आले . औरंगाबाद जिल्हा मध्यवर्ती सहकारी बँकेच्या शाखेचा ध्वजारोहण बँकेचे व्यवस्थापक सुरे यांच्या हस्ते करण्यात आले . गावातील अकस्मात मृत झालेले नरेंद्र विटोरे व नामदेव निकम यांना श्रद्धांजली अर्पण केली . याप्रसंगी ग्रामस्थ मोठ्या संख्येने उपस्थित होते .