প্ৰধানমন্ত্ৰী নৰেন্দ্ৰ মোডীৰ জন্মদিনৰ লগত সংগতি ৰাখি আজি চৰাইদেউ জিলাৰ মাহমৰা সমষ্টিৰ খুমটাই বামলাইনত অমৃত সৰোবৰ আঁচনিৰ শুভাৰম্ভ কৰে অসম চৰকাৰৰ ৰাজহ, দুৰ্যোগ ব্যৱস্থাপনা আৰু পাৰ্বত্য অঞ্চল উন্নয়ণ মন্ত্ৰী যোগেন মহনে ৷ ইয়াৰ অংশ হিচাপে খুমটাই গাঁও পঞ্চায়তৰ বামলাইনত দিৰৈ নৈৰ পাৰত অমৃত সৰোবৰ আঁচনিৰ অধীনত এটা পুখুৰীৰ খননৰ শুভাৰম্ভ কৰে ৷ এই অনুষ্ঠানত মন্ত্ৰীজনে জেচিবি চলাই অমৃত সৰোবৰ আঁচনিৰ পুখুৰী খননৰ শুভাৰম্ভ কৰে ৷ আজিৰ দিনটোতে মন্ত্ৰীজনে মাহমৰা সমষ্টিৰ সৰ্বোদয়, খুমটাই, বৰডবা, মিলন, উদয়পুৰ, কাকতিবাৰী, ভঁৰালীপুখুৰী, দিচাংপানী আৰু নিজখালৈঘুগুৰা গাঁও পঞ্চায়তত মুঠ ২২ টা অমৃত সৰোবৰ আঁচনিৰ শুভাৰম্ভ কৰে ৷ এই অনুষ্ঠানত মন্ত্ৰীজনৰ লগতে মাহমৰা উন্নয়ণ খণ্ডৰ খণ্ড উন্নয়ণ বিষয়া সোনাম দাস, খুমটাই গাঁও পঞ্চায়তৰ সভানেত্ৰী পূৰ্ণিমা শৰ্মাকে ধৰি বহুসংখ্যক স্থানীয় ৰাইজ উপস্থিত থাকে ৷