টিংখাঙত টাই আহোম উন্নয়ন পৰিষদৰ উদ্যোগত হিতাধিকাৰী সকলৰ মাজত সামগ্ৰী বিতৰণ । টিংখাং শাখা সাহিত্য সভা ভৱনত অনুস্থিত হোৱা হিতাধিকাৰী সকলৰ মাজত সামগ্ৰী বিতৰণ অনুষ্ঠানত উপস্থিত থাকে অসম চৰকাৰৰ কেবিনেট মন্ত্ৰী বিমল বৰা। মন্ত্ৰী বিমল বৰাই উক্ত অনুষ্ঠান সমষ্টিটোৰ হিতাধিকাৰী সকলৰ মাজত সামগ্ৰী বিতৰণ কৰে। উল্লেখযোগ্য যে, বিগত সময়ত টাই আহোম উন্নয়ন পৰিষদৰ তৰফৰ পৰা সমষ্টিটোৰ ৰাইজক বিভিন্ন সামগ্ৰী বিতৰণ কৰি আহিছে । এই সামগ্ৰী বিতৰণৰ ফলত ৰাইজ সকল যথেষ্ট পৰিমাণে লাভৱান হৈছে। উক্ত অনুষ্ঠানত টিংখাং আৰু লেঙেৰীৰ টাই আহোম উন্নয়ন পৰিষদৰ সদস্য ভদ্ৰেশ্বৰ গগৈ, শশী গগৈ,লেঙেৰী আদৰ্শ চিকিৎসালয়ৰ উপ- অধীক্ষক প্ৰবিত্ৰ গোঁহাইৰ লগতে বিভিন্ন ব্যক্তি সকল উপস্থিত থাকে।