মৰিগাঁও মহাবিদ্যালয়ৰ নবাগত আদৰণি সভাত হাতত গীটাৰ লৈ উপায়ুক্তৰ সুৰৰ মুৰ্চানা । কমদিনতে এগৰাকী প্ৰশাসনিক বিষয়া মৰিগাঁওবাসীৰ বাবে হৈ পৰিছে আপোন। ভাৰতীয় প্ৰশাসনিক সেৱাৰ এইগৰাকী জনপ্ৰিয় উপায়ুক্ত মাত্ৰ কেইদিনমানৰ পূৰ্বেহে মৰিগাঁৱত যোগদান কৰিছে। কিন্তু উপায়ুক্ত দেৱাশীষ শৰ্মাৰ কামকাজে মৰিগাঁওবাসীক বাৰুকৈয়ে আকৃষ্ট কৰিছে। শেহতীয়াকৈ মৰিগাঁও মহাবিদ্যালয়ৰ নবাগত আদৰণি সভাৰ সাংস্কৃতিক অনুষ্ঠানত নিজে গীতাৰ বজাই সুুুন্দৰকৈ গীত পৰিবেশন কৰা কাৰ্যই ছাত্ৰছাত্ৰী সকলৰ মাজত তুমুল জনপ্ৰিয় হৈ পৰিছে ।