সোণাৰিত অমৃত সৰোবৰ আঁচনিৰ শুভাৰম্ভ

চাফ্ৰাই গাঁও পঞ্চায়তৰ অন্তৰ্গত হেলনি বিলত  অমৃত মহোৎসৱৰ লগত সংগতি ৰাখি অমৃত সৰোবৰ সাগৰ অভিলাষী আঁচনি আধাৰ শিলা স্থাপন কৰে সোণাৰি সমষ্টিৰ বিধায়ক ধৰ্মেশ্বৰ কোঁৱৰে। তেখেতে আধাৰ শিলা স্থাপন কৰি উপস্থিত ৰাইজক সম্বোধি প্ৰায় তেৰ লাখ টকাৰ ব্যয়ৰে ৩.৭০ একৰ এলেকা জুৰি এই অমৃত সৰোবৰ সাগৰ অভিলাষী আঁচনি হেলনি বিলত ৰূপায়ন কৰা হ'ব বুলি মন্তব্য কৰে।উক্ত আধাৰ শিলা অনুষ্ঠানত উপস্থিত থাকে ৰাজ্যিক কাৰ্যনিৰ্বাহক সদস্য দিলীপ কোঁৱৰ, চাফ্ৰাই জিলা পৰিষদৰ সদস্যা জিনু কোঁৱৰ, চাফ্ৰাই মন্ডলৰ সভাপতি অৰ্জুন চেত্ৰী,বড়ো কছাৰী অটোনমাচ কাউন্সিলৰ সদস্য বিনোদ বসুমতাৰী, সোণাৰি উন্নয়ন খণ্ডৰ খন্ড উন্নয়ন বিষয়া ৰেনু দেউৰী, অনুসূচীত জাতি উন্নয়ন পৰিষদৰ অধ্যক্ষ দীনেশ দাস, অনুসূচীত জাতি মৰ্চাৰ বিষয় ববীয়া সকলৰ উপৰিও দলীয় কাৰ্যকৰ্তা সকল।