কেন্দ্ৰীয় চৰকাৰে ৬ জনগোষ্ঠীক জনজাতিকৰণৰ মৰ্যদা প্ৰদান নকৰাত এতিয়া ক্ষুদ্ধ হৈ পৰিছে ৬ জনগোষ্ঠীৰ দল সংগঠন। আজি মৰাণত টাই আহোম যুৱ পৰিষদ অসম ৰ কেন্দ্ৰীয় সমিতিৰ সভাপতি বিজয় ৰাজকোঁৱৰ মৰাণত উপস্থিত হৈ কেন্দ্ৰীয় আৰু অসম চৰকাৰক ক্ষুৰধাৰ সমালোচনা কৰে। তেওঁ কয় যে ৬ জনগোষ্ঠীক জনজাতিকৰণৰ প্ৰতাৰণাৰ কৰাৰ ক্ষেত্ৰত মূখ্য ভূমিকা পালন কৰিছে মূখ্যমন্ত্ৰী হিমন্ত বিশ্বশৰ্মাই। লগতে প্ৰধানমন্ত্ৰী নৰেন্দ্ৰ মোডী ক সৰ্বকালৰ শ্ৰেষ্ঠ মিছলীয়া আখ্যা দিয়ে টাইপাৰ কেন্দ্ৰীয় সমিতিৰ সভাপতি বিজয় ৰাজকোঁৱৰে। অন্যহাতে তেওঁ কয় যে চৰকাৰৰ এনে প্ৰতাৰণাৰ বাবে এতিয়া আহোম সকলে পৃথক আহোমলেণ্ড বিচাৰিবলৈ বাধ্য হৈছে।