વાંકાનેરના સરતાનપર રોડે જૂની અદાવતમાં યુવાન ઉપર ચાર શખ્સોએ કર્યો હુમલો

વાંકાનેર તાલુકાના સરતાનપર રોડ ઉપર આવેલ ઓરબ સીરામીક પાસે રહેતા યુવાનને અગાઉ થયેલ ઝઘડાનો ખાર રાખીને ચાર શખ્સો દ્વારા લોખંડના પાઇપ વડે માર મારવામાં આવ્યો હતો જેથી કરીને યુવાનને ફ્રેક્ચર જેવી ઇજાઓ થઈ હોવાથી તેને સારવારમાં ખસેડવામાં આવ્યો હતો અને સારવાર લીધા બાદ ભોગ બનેલા યુવાન દ્વારા વાંકાનેર તાલુકા પોલીસ સ્ટેશન ખાતે ચાર શખ્સોની સામે ફરિયાદ નોંધવામાં આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ વાંકાનેર તાલુકાના સરતાનપર રોડ ઉપર ઓરબ સીરામીક પાસે રહેતા વિજયભાઈ કાનજીભાઈ મેમકીયા (ઉંમર 22) ને અગાઉ બાથાભાઇ ઘુઘાભાઈ જોગરાણા જાતે ભરવાડ સાથે ઝઘડો થયો હતો જે બાબતનું મન દુઃખ રાખીને સામત ઘુઘાભાઇ જોગરાણા, બાથાભાઈ ગોગા કારમાં તેની પાસે આવ્યા હતા અને ત્યારે તેને ગાળો આપીને ઢીકા પાટુનો માર મારી જાનથી મારી નાખવાની ધમકી આપી હતી તેમજ સામતભાઈ અને બાથાભાઈએ લોખંડના પાઇપ પડે માર માર્યો હતો જેથી કરીને વિજયભાઈ મેમકિયાને ફ્રેકચર જેવી ઇજાઓ હાથે પગે થઈ હોવાથી તેને સારવારમાં ખસેડવામાં આવ્યા હતા અને ઇજાગ્રસ્ત યુવાને સારવાર લીધા બાદ વાંકાનેર તાલુકા પોલીસ સ્ટેશન ખાતે ચાર શખ્સોની સામે ફરિયાદ નોંધાવતા પોલીસે ગુનો નોંધીને આરોપીઓને પકડવા માટે તજવીજ શરૂ કરી છે