চৰাইদেউ জিলা শিশু কল্যাণ সমিতিৰ এটি দলে যোৱা ১২ ছেপ্তেম্বৰত সাপেখাতী থানাৰ অন্তৰ্গত বৰহ গাঁৱৰ নিৱাসী নীলপৱন বাইলুঙৰ ঘৰৰপৰা এটি আঠ বছৰীয়া শিশু শ্ৰমিক উদ্ধাৰ কৰে । প্ৰাপ্ত তথ্য অনুসৰি শিশুজন প্ৰায় ৩ বছৰ ধৰি শ্ৰমিক হিচাপে বিভিন্ন ঘৰুৱা কামত নিয়োজিত হৈ আছিল । প্ৰাপ্ত অভিযোগৰ ভিত্তিত জিলা শিশু সুৰক্ষা কোষৰ সুৰক্ষা বিষয়া ড° প্ৰীতিমণি গগৈ ফুকন, সদস্যা অঞ্জনা গগৈ, শ্ৰম পৰিদৰ্শক ভূৱনেশ্বৰ ৰাভা আৰু আৰক্ষী প্ৰশাসনৰ নেতৃত্বত যোৱা দলটোৱে নীলপৱন বাইলুঙৰ ঘৰত উপস্থিত হৈছিল। সোধা-পোছাৰ অন্তত শিশুটিক উদ্ধাৰ কৰি আনি শিশু কল্যাণ সমিতিৰ সন্মুখত হাজিৰ কৰে আৰু এদিনৰ বাবে সখী-একক অৱস্থান কেন্দ্ৰত থাকিবলৈ দিয়ে। অৱশ্যে যোৱা ১৩ ছেপ্তেম্বৰত শিশুটিৰ সতীয়া পিতৃ শিশু কল্যাণ সমিতিলৈ আহি শিশুটিক নিজৰ তত্বাৱধানত চমজি লয়। উল্লেখযোগ্য যে, যোৱা ৫ ছেপ্তেম্বৰতো অতিৰিক্ত উপায়ুক্ত জাবেদ আৰমান, সহকাৰী আয়ুক্ত তথা ভাৰপ্ৰাপ্ত জিলা শিশু সুৰক্ষা বিষয়া জাহ্নৱী গোস্বামী, শ্ৰম পৰিদৰ্শক ভূৱনেশ্বৰ ৰাভাৰ নেতৃত্বত যোৱা এটি দলে মথুৰাপুৰৰ পৰা এগৰাকী শিশু শ্ৰমিক উদ্ধাৰ কৰি নিজ পিতৃ-মাতৃৰ হাতত চমজাই দিছিল ।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
