હારીજ બેચરાજી બાયપાસ રોડ પર આવેલું પુરવઠાનું ગોડાઉન છેલ્લા 20 દિવસ ઉપરાંતથી પાણીમાં ગરકાવ થયેલું છે.અને તેની સામે રહેતા માલધારીઓને દુર્ગંધ ફેલાતા ભારે મુશ્કેલીનો સામનો કરવો પડી રહ્યો છે.આ સિવાય મુજપુર લોટેશ્વરના હાઇવે રોડ પરના હારીજ જાસ્કા ચોકડી નજીકના ડીપ બંને જગ્યા પર 20 દિવસથી પાણી ભરેલા હોવા છતાં હજુ સુધી તંત્રના પેટનું પાણી હાલતું નથી.લોટેશ્વર મુજપૂર અને શખેશ્વર જતા વાહનચાલકોને ભારે મુશ્કેલી નો સામનો કરવો પડી રહ્યો છે.માટે તાકીદે પાણી નિકાલ કરી સમસ્યા હલ કરવામાં આવે એવું લોકો ઈચ્છી રહ્યા છે.