১৯৯৬ চনতে গোবিন্দপুৰ অঞ্চলত প্ৰতিষ্ঠা লাভ কৰা ডিব্ৰুগড় বিশ্ববিদ্যালয় অধীৰ এখন উচ্চ শিক্ষানুষ্ঠান হৈছে ঢকুৱাখনা হাৰ্হি মহাবিদ্যালয় ৷ শিক্ষানুষ্ঠান খনৰ চলিত বৰ্ষৰ নবাগতসকলক আদৰণী জনোৱাৰ উদ্দেশ্য মঙ্গলবাৰে অনুষ্ঠিত কৰা ২১ তম্ নবাগত আদৰণি সভাখন দিনজোৰা কাৰ্যসূচীৰে অনুষ্ঠিত হয় । কাৰ্যসূচীৰ অনুসৰি পুৱা ৬ বজাত মহাবিদ্যালয়ৰ চৌহদ চাফাই, মহাবিদ্যালয়ৰ ছাত্র একতা সভাৰ সভাপতি পিংকু গোস্বামীৰ দ্বাৰা পতাকা উত্তোলন, সাধাৰণ সম্পাদক দেৱজিৎ খাটনিয়াৰ দ্বাৰা শ্বহীদ তৰ্পণ । পুৱা ৮ বজাত বৃক্ষ ৰোপন কৰে হাৰ্হি মহাবিদ্যালয়ৰ ৰাজনীতি বিজ্ঞান বিভাগৰ সহঃ অধ্যাপক ড° নৱ কুমাৰ সন্দিকৈয়ে। ইয়াৰ পাছতে হাৰ্হি মহাবিদ্যালয় ৰাজনীতি বিজ্ঞান বিভাগ সহকাৰী অধ্যাপক ৰাজেশ চেতিয়া, ইংৰাজী বিভাগ সহঃ অধ্যাপক ড° জিতু কুমাৰ চমুৱা, অসমীয়া বিভাগৰ সহ অধ্যাপিকা প্রতিমা চেতিয়া, অর্থনীতি বিজ্ঞান বিভাগ সহঃ অধ্যাপক পদ্মকান্ত দলেৰ সঞ্চালনাত ন - পুৰণি ছাত্ৰ-ছাত্ৰী সকলৰ চিনাকী পৰ্ব ও সাংস্কৃতিক অনুষ্ঠান অনুষ্ঠিত হয় ৷ ১১ বজাত মহাবিদ্যালয়ৰ ছাত্ৰ- ছাত্ৰী সকলৰ সমাবেত সংগীতেৰে মঞ্চ উদ্বোধন কৰা অনুষ্ঠানত হাৰ্হি মহাবিদ্যালয় অধ্যক্ষ ড° মানস জ্যোতি নেওগৰ সভাপতিত্বত অনুষ্ঠিত হয় মুকলি সভা ৷ উদ্বোধক হিচাপে উপস্থিত থাকি বক্তব্য ৰাখে মহকুমাধিপতি অৰিন্দম বৰুৱাই ৷ নিদিষ্ট বক্তা হিচাপে উপস্থিত থাকি বক্তব্য ৰাখে ঢকুৱাখনা মহাবিদ্যালয়ৰ উপাধ্যক্ষ চিত্ৰ কুমাৰ কোঁছৰ লগতে আমন্ত্ৰিত অতিথি হিচাপে সদৌ অসম ছাত্ৰ সন্থা উপ-সভাপতি উৎপল শৰ্মা, কেন্দ্রীয় কার্যনির্বাহক সদস্য ধনমনি দত্ত ৷ অনুষ্ঠানত লখিমপুৰ জিলা কেন্দ্ৰীয় সাংগঠনিক সম্পাদক পুলক জ্যোতি বৰা, সধাৰণ সম্পাদক স্বৰাজ সংকৰ গগৈ উপস্থিত থকা অনুষ্ঠানত মহাবিদ্যালয়খনৰ নতুনকৈ নামভৰ্তি কৰা ন-পুৰণি শিক্ষাৰ্থী সকল, প্ৰশিক্ষক সকলৰ উপস্থিতয়ে অনুষ্ঠানটো সাফল্যমণ্ডিত কৰি তোলে । অনুষ্ঠানৰ শেষত ত্ৰৈলোক্য সোণোৱালৰ কণ্ঠত সাংস্কৃতিক অনুষ্ঠানে এই বৰ্ষৰ বাৰ্ষিক নৱাগত আদৰণি সভাৰ সামৰণি পৰে ৷