মঙলবাৰে মেঘালয়ৰ পশ্চিমীয়া জিলা জয়ন্তীয়া পাহাৰৰ সীমান্তৰ পৰা বি এছ এফৰ জোৱানে এজন বাংলাদেশী নাগৰিকক গ্ৰেপ্তাৰ কৰিবলৈ সক্ষম হৈছে।
সীমান্ত সুৰক্ষা বাহিনীয়ে দিয়া তথ্য অনুসৰি জয়ন্তীয়া পাহাৰৰ সীমান্তত এজন বাংলাদেশী নাগৰিকক গ্ৰেপ্তাৰ কৰা হৈছে। জেৰাৰ সময়ত তেওঁ মহম্মদ হাছান আলী বয়স ৬২ বছৰ বুলি পৰিচয় দিছে।
বি এছ এফে তেওঁৰ পৰা ৩৪৮ গ্ৰাম ওজনৰ ৩ টা সোণৰ বিস্কুট উদ্ধাৰ কৰিছে। এই সোণৰ বিস্কুটৰ বজাৰ মূল্য ১৭.৫৭ লাখ টকা বুলি অনুমান কৰা হৈছে।
সীমান্ত সুৰক্ষা বাহিনীৰ বিষয়াসকলে জনোৱা মতে, বৰ্তমান তেওঁক গ্ৰেপ্তাৰ কৰা হৈছে আৰু ঘটনা সন্দৰ্ভত তদন্ত অব্যাহত ৰাখিছে।
