যি সমময়ত এক বস্তা ইউৰীয়া সাৰৰ বাবে সাধাৰন কৃষকে হাহাকাৰ কৰিব লগা হৈছে ,তেনে সময়তে এটি দুষ্ট চক্ৰই চোৰাংভাবে এই বগা ইউৰীয়া কলা বজাৰত বিক্ৰি কৰি ৰমৰমীয়া ব্যৱসায় চলায় গৈছে ৷ এনে এক তথ্য পোহৰলৈ আহিছে হোজাই জিলাৰ ডবকাত ৷ যোৱা নিশা এক গোপন তথ্যৰ ভিত্তিত ডবকা আৰক্ষীয়ে অভিযান চলায় ডবকাৰ মিকিৰআটী হাওঁগাওঁ টোলগেটৰ পৰা দুখন বগা ইউৰীয়া সাৰ ভৰ্তি ট্ৰাক জব্দ কৰিবলৈ সক্ষম হৈছে ৷ জব্দ কৰা ট্ৰাক দুখনৰ নম্বৰ AS02CC 8722 আৰু AS31C 0837 ৷ এই চোৰাং ইউৰীয়া সৰবৰাহৰ অভিযোগত আৰক্ষীয়ে তিনিজনকৈ লোকক আটক কৰাৰ লগতে তেওঁলোকৰ কৱলৰ পৰা AS01ET 2660 নম্বৰৰ এখন চাৰিচকীয়া বিলাসী বাহনো জব্দ কৰে ৷ ধৃত লোক কেইজন হল ক্ৰমে হোজাইৰ ফকৰুল ইছলাম , মোৰাঝাৰৰ ৰাজীব উদ্দিন আৰু লংকাৰআলীৰ তাজ উদ্দিন ৷ আটাইকেইজনে গোলাঘাটৰ পৰা ইউৰীয়া সাৰখিনি কাছাৰ হৈ মিজোৰামলৈ সৰবৰাহ কৰাৰ চেষ্টা চলাইছিল বুলি আৰক্ষীয়ে জানিবলৈ দিছে ৷ দুয়োখন ট্ৰাকৰ পৰা ১২০০ বস্তা ইউৰীয়া সাৰ জব্দ কৰা বুলি জানিব পৰা গৈছে ৷