টিংখাঙৰ টেঙাপানী গাঁ‌ৱৰ এজন প্ৰাক্তন শিক্ষকে অৱসৰৰ সময়খিনি সৎ ব্যৱহাৰ কৰি নিজৰ বাৰীতে ৮৪ বিধ বনৌষধি গছ ৰোপন আৰু সংৰক্ষণ কৰিছে । টেঙাপানী গাঁ‌ৱৰ সৰুনাথ গগৈ নামৰ ৮২ বছৰীয়া প্ৰাক্তন শিক্ষক গৰাকীয়ে নিজৰ ঘৰৰ বাৰীতে ৰোপন কৰিছে এই বনৌষধি গছ সমূহ । ২০০২ চনত টেঙাপানী জনজাতি এম ই স্কুলৰ পৰা অৱসৰ গ্ৰহণ কৰি প্ৰাক্তন শিক্ষক গৰাকীয়ে মানুহৰ বিভিন্ন ৰোগত ব্যৱহাৰ কৰিব পৰা ঔষধি গছ সমূহ ৰোপন কৰে । নিজৰ বাৰীৰ প্ৰায় চাৰে তিনি বিঘা মাটিত এই গছ সমূহ ৰোপন কৰি সমগ্ৰ পৰিৱেশটো সেউজীয়া কৰি ৰাখিছে । বনৌষধি গছ বিচাৰি বহু লোকে এতিয়া সৰুনাথ গগৈৰ ওচৰলৈ আহে । এই ঔষধি গছ সমূহ ব্যৱহাৰ কৰি বহুজনে আৰোগ্যও লাভ কৰিছে । প্ৰাক্তন শিক্ষক গৰাকীয়ে কোনো ধৰণৰ মাননি নোলোৱাকৈ ৰাইজক ঔষধত ব্যৱহাৰ কৰা গছ সমূহ দিয়ে । প্ৰাক্তন শিক্ষক গৰাকীৰ এই কৰ্মৰাজিক অঞ্চলটোৰ ৰাইজে প্ৰশংসা কৰিছে ।