যোৱা নিশাৰ পৰা দিয়া নেৰানেপেৰা বিৰষুণৰ ফলত আজি সোণাৰি নগৰত কৃত্ৰিম বানপানীৰ সৃষ্টি হয়। ইয়াৰ ফলত নগৰৰ খনৰ সৰহসংখ্যাক অঞ্চল প্লাবিত হৈ পৰাত স্থানীয় বাসিন্দা সকলৰ দৈনিক জীৱন যাত্ৰা ব্যাহত হৈ পৰে। নগৰখনৰ ঐতিহ্যমণ্ডিত ভগৱতী প্ৰসাদ বৰুৱা সোঁৱৰণি উচ্চতৰ মাধ্যমিক বিদ্যালয়ৰ বহু সংখ্যক শ্ৰেণী কোঠা বৰষুণৰ পানী সোমাই যোৱাৰ উপৰিও প্ৰাংগণত এক আঁঠু পৰ্যন্ত পানী হৈ যোৱাত ছাত্ৰ ছাত্ৰী আৰু শিক্ষক শিক্ষয়িত্ৰী সকল বিদ্যালয়ত প্ৰৱেশ কৰাত অসুবিধাৰ সন্মুখীন হব লগা হয়। বিদ্যালয়খনৰ পঞ্চম, ষষ্ঠ আৰু সপ্তম শ্ৰেণী সমূহত বৰষুণৰ পানী সোমাই যোৱাত বিদ্যালয় কৰ্তৃপক্ষই সেই শ্ৰেণী সমূহৰ পাঠদান বাতিল কৰিব লগা হয়।