হোজাই জিলাৰ ডবকাৰ মিকিৰআটিৰ মছজিদুল আক্বছাত আজি দিনজুৰা কাৰ্যসূচীৰে ছবাহী মক্তৱৰ শিক্ষাৰ্থীৰ মাজত ইছলামিক শিক্ষাৰ বিষয়ে এখনি প্ৰতিযোগিতা অনুষ্ঠিত হয় ৷ উত্তৰ পূৱ ভাৰত এমাৰতে শ্বৰীয়াহ ও নদওৱাতুত তামীৰৰ পৰিচালনাত আৰু ডবকা আঞ্চলিক এমাৰতে শ্বৰীয়াহ ও নদওয়াতুত তামীৰৰ অধীনত বৃহত্তৰ ডবকা অঞ্চলৰ প্ৰায় পয়ত্ৰিছখন ছবাহী মক্তৱত অধ্যয়ণ কৰি থকা কণ কণ ছাত্ৰ ছাত্ৰীৰ মাজত নাজাৰা অৰ্থাৎ ক্বোৰআন পঢ়া , কিৰাত, মাছাইল আদি প্ৰতিযোগিতা অনুষ্ঠিত হৈ যায় ৷ উক্ত অনুষ্ঠানটিত সভাপতিত্ব কৰে - ডবকা আঞ্চলিক এমাৰতে শ্বৰীয়াহ ও নদৱাতুত তামীৰৰ সভাপতি - আলহাজ শ্বেখ কুৰমান আলীয়ে ৷ এই প্ৰতিযোগিতাতত বিচাৰক হিচাপে উপস্থিত আছিল ক্ৰমে - ডবকা বড় মছজিদৰ ইমাম হজৰত মৌলানা আবিদুৰ ৰহমান কাছিমী , মৌলানা ফাহিম আহমেদ , মৌলানা ৰিয়াজ উদ্দিন আৰু মৌলানা ফাৰুক আহমেদ ৷অনুষ্ঠানটিত অভ্যৰ্থনা কমিটিৰ হৈ মৌলানা এহছানুৰ ৰহমান , মৌলানা আছাদুৰ ৰহমান , ছামছুজ জামান , মাছুমুৰ ৰহমান আল হিলাল আৰু ইমদাদুৰ ৰহমান উপস্থিত থাকি প্ৰতিটো কাৰ্যসূচী সফলভাবে ৰূপায়ণ কৰাৰ ক্ষেত্ৰত গুৰুত্বপূৰ্ণ ভূমিকা পালন কৰে ৷ উল্লেখ্য যে, ছবাহী মক্তৱ ফাইনেল পৰীক্ষাত সুখ্যাতিৰে উত্তীৰ্ণ হোৱা কৃতী ছাত্ৰ ছাত্ৰীক একোখন সম্বৰ্ধনা পত্ৰ , কিতাপ আদিৰে পুৰস্কৃত কৰা হয় ৷ লগতে কাৰ্যসূচীত অংশ গ্ৰহণ কৰা প্ৰতিখন মছজিদৰ ইমাম সকলক কমিটিৰ ফালৰ পৰা একোখনকৈ ফুলাম গামোচা , সম্বৰ্ধনা পত্ৰ আদিৰে সম্বৰ্ধনা জনোৱা হয় ৷ আজিৰ প্ৰতিযোগিতাতত অংশ গ্ৰহণ কৰি প্ৰথম , দ্বিতীয় আৰু তৃতীয় স্থান লাভ কৰা কৃতী ছাত্ৰ ছাত্ৰীক একোখনকৈ মানপত্ৰৰে সম্বৰ্ধনা জনোৱা হয় ৷বিয়লি পুৰস্কাৰ বিতৰণি অনুষ্ঠানত ডবকা হাজী আনফৰ আলী কলেজৰ প্ৰৱক্তা নজৰুল হক বৰভুঞা, শিক্ষক ফাৰুক আহমেদ , হাফিজ কলনদৰ আলী বৰলস্কৰ, মৌলানা এবাদুৰ ৰহমান সহ আন বহু কেইজন বিশিষ্ট ব্যক্তি আৰু নদুৱাতুত তামিৰৰ হোজাই জিলা আৰু ডবকা আঞ্চলিকৰ বিষয়ববীয়া সকল উপস্থিত থাকে ৷প্ৰতিযোগিতা অনুষ্ঠিত হোৱা আল আক্বছা মচজিদৰ পৰিচালনা কমিটিৰ লগতে স্থানীয় ৰাইজৰ শলাগ লয় এমাৰতে শৰীয়াহ ও নদৱাতুত তামিৰৰ বিষয়ববীয়া সকলে ৷