কমনৱেলথ গেমছত জয়েৰে যাত্ৰা আৰম্ভ অসম কন্যা লাভলীনাৰ।কমনৱেলথ গেমছৰ দ্বিতীয় দিনটোত লাভলীনা বৰগোহাঁয়ে নিজৰ প্ৰথমখন মেচত নিউজিলেণ্ডৰ প্ৰতিদ্বন্দি গৰাকীক পৰাস্ত কৰি কোৱাৰ্টাৰ ফাইনেলত প্ৰৱেশ। প্ৰতিযোগিতাৰ প্ৰথমখন মেচত লাভলীনাই এৰিয়ান নিকলছনৰ বিৰুদ্ধে প্ৰতিদ্বন্দিতা আগবঢ়াইছিল। টকিঅ’ অলিম্পিকৰ ব্ৰঞ্জৰ পদক বিজয়ী লাভলীনাই ৭০ কিলোগ্ৰাম শাখাত এই সফলতা লাভ কৰিছে।ইয়াৰ লগে লগে লাভলীনাই প্ৰতিযোগিতাৰ কোৱাৰ্টা ফাইনেলত প্ৰৱেশ কৰিছে। ৰাউণ্ড অফ-১৬ত সফলতাৰে যাত্ৰা আৰম্ভ কৰা লাভলীনাই এৰিয়ান নিকলছনক ৫ঃ০ ব্যৱধানত পৰাস্ত কৰিছে।তেওঁ পৰৱৰ্তী মেচ ৩ আগষ্টত ৱেলছৰ প্ৰতিদ্বন্দিৰ বিৰুদ্ধে খেলিব।