বৰভাগ ইউনাইটেড স্পোৰ্টচ ক্লাৱৰ উদ্যোগত আয়োজিত ৩৪ তম বৰ্ষৰ বিংশতম বাৰ্ষিক ডা°ৰামদত্ত বুজৰবৰুৱা আৰু ভূপেন শৰ্মা সোঁৱৰণী চলন্ত ট্ৰফী প্ৰাইজমাণী ফুটবল প্ৰতিযোগিতা আৰম্ভ হৈছে৷পশ্চিম বড়িগোগ ধীৰদত্ত উচ্চতৰ মাধ্যমিক বিদ্যালয় খেলপথাৰত অনুষ্ঠিত হোৱা আজিৰ উদ্বোধনী খেলত বৰভাগ ইউনাইটেড স্পোৰ্টচ ক্লাৱ আৰু বৰভাগ আঞ্চলিক ক্ৰীড়া সংঘই অংশগ্ৰহণ কৰে৷খেলখন উদ্বোধন কৰে প্ৰাক্তন খেলুৱৈ বিমল কুমাৰ চৌধুৰীয়ে৷খেলত অতিথি হিচাবে উপস্থিত থাকে নলবাৰী জিলা ক্ৰীড়া সন্থাৰ সভাপতি বুবুল তালুকদাৰ,এমট্ৰনৰ উপ প্ৰৱন্ধক দীনমণি ভাণ্ডাৰ কায়স্থ আৰু গ্ৰামীণ জিৱীকা অভিযান,নলবাৰীৰ প্ৰকল্প প্ৰৱন্ধক চন্দন তালুকদাৰ৷খেলত বৰভাগ ইউনাইটেড স্পোৰ্টচ ক্লাৱে বৰভাগ ক্ৰীড়া সংঘক ২-১ গলত পৰাজিত কৰে৷