हिंगोली स्थानिक गुन्हे शाखेने आज धडक कारवाई करून घरफोडी प्रकरणातील एका आरोपीला गजाआड करून त्याच्या जवळील 2 लाख 89 हजार 380 रुपयांचा मुद्देमाल जप्त केला आहे.सदरची कारवाई जिल्हा पोलीस अधीक्षक एम राकेश कलासागर यांच्या सूचनेनुसार स्थानिक गुन्हे शाखेचे पोलीस निरीक्षक उदय खंडेराय यांच्या मार्गदर्शनाखाली पथकाने केली आहे.स्थानिक गुन्हे शाखेने मिळालेल्या गोपनीय माहितीवरून पाहिजे असलेला आरोपी काळुराम उर्फ काळू काळे वय वर्ष 28 याला सेलू जिल्हा परभणी येथून राहत्या घरातून पोलिसांनी ताब्यात घेतले असून सदर आरोपीने तपासा दरम्यान घरफोडीच्या गुन्ह्यातील मुद्देमाल घेतल्याची कबुली दिल्याने सदर आरोपीकडून तपासा दरम्यान सोन्या,चांदीचे दागिने असा ऐकून 2 लाख 89 हजार 380 रुपयांचा मुद्देमाल जप्त करण्यात आला आहे.