কৰ্মসংস্থাপন বিচাৰি বহিৰাজ্যলৈ যোৱা টিংখাঙৰ ১ নং কপহুৱা গাৱঁৰ এজন যুৱক নিখোজ । ১ নং কপহুৱা গাৱঁৰ পূৰ্ণ গগৈ আৰু পূৰ্ণিমা গগৈৰ পুত্র তথা এটি পুত্ৰ সন্তানৰ পিতৃ মিঠুন গগৈ (৩০) নামৰ যুৱক জন কেইজনমান সমনীয়াত সৈতে কাম কৰিবলৈ বুলি হায়দৰাবাদলৈ ৰাওনা হৈছিল। ৩ তাৰিখে গৈ ৬ তাৰিখে গন্তব্য স্থান পাইছিলগে যদিও ৰহস্যজনক ভাৱে উক্ত দিনাৰ পৰাই পৰিয়ালৰ লোকে যোগাযোগ কৰিব পৰা নাই যুৱকজনৰ সৈতে। লগত যোৱা আন যুৱক কেইজনেও মিঠুন গগৈৰ কোনো সন্ধান দিব পৰা নাই। এই ঘটনাই এতিয়া পিতৃ মাতৃৰ লগতে পত্নী আৰু এটি সাত বছৰীয়া পুত্ৰৰ মাজত হাহাকাৰ পৰিস্থিতিৰ সৃষ্টি হৈছে। কি পৰিস্থিতিত যুৱকজন নিখোজ হৈছে তাক লৈও সৃষ্টি হৈছে তীব্ৰ ৰহস্যৰ। ইতিমধ্যে হাইদৰাবাদতে ঘটনাৰ সন্দৰ্ভত আৰক্ষীক অৱগত কৰা হৈছে যদিও যুৱক জনৰ কোনো সন্ধান লাভ কৰিবলৈ সক্ষম হোৱা নাই।