অৰুণাচলৰ নাহৰলগুণৰ পৰা বিশ্বনাথ আৰক্ষীয়ে এক গোপন সূত্ৰৰ পম খেদি আজি গ্ৰেপ্তাৰ কৰিলে দুই শিশু অপহৰণকাৰীক। ধৃত শিশু অপহৰণ কাৰী দুজন ক্ৰমে আবু টাহেৰ আৰু ললিত কেওট। ধৃত আবু টাহেৰৰ ঘৰ বিশ্বনাথৰ ৪ নং কুমলীয়াত। ফলফলিৰ চাহিবুৰ ৰহমান নামৰ ব্যক্তিজনৰ ঘৰত ভাৰা থাকি পাচলি বেপাৰ কৰিছিল আবুৱে। আইচস্ক্ৰীম দিম বুলি ফুচুলাই নি অৰুণাচলত বিক্ৰী কৰিছিল প্ৰাৰ্থনা বৰুৱা নামৰ ৬ বছৰীয়া শিশুটিক। বেদেতিৰ বৰালিমৰাৰ অৰুপ বৰুৱা নামৰ ব্যক্তিজনৰ কন্যা প্ৰাৰ্থনা বৰুৱা। বিশ্বনাথ চাৰিআলিৰ ফলফলিৰ চাহিদা আখতাৰ আহমেদৰ ঘৰত ভাৰা থাকে অৰুপ বৰুৱা আৰু তেওঁৰ পৰিয়াল। অৰুপ বৰুৱাৰ ঘৰৰ সমীপতে ভাৰাত আছিল অপহৰনকাৰী আবু টাহেৰ। ঘৰত কোনো নথকাৰ সুযোগ গ্ৰহণ কৰি অপহৰন কৰিছিল শিশুটিক। অৰুণাচলীক ডেৰ লাখ টকাত বিক্ৰি কৰিবলৈ যোজা চলাইছিল অপহৰণকাৰী দুটাই। অৰুণাচলৰ নাহৰলগুনৰ পৰা শিশুটিক উদ্ধাৰ কৰি অনাৰ লগতে কৰায়ত্ত কৰে অপহৰকাৰী দুটাক। আনহাতে, ললিত কেওট ৰ ঘৰ বৰপুখুৰী চাহ বাগিছাৰ বড়ো লাইনত।