শিল্পী সমাজ টংলাৰ উদ্যোগতো টংলা উচ্চতৰ মাধ্যমিক বিদ্যালয় খেলপথাৰৰ সন্মুখত গছৰ তলত উদযাপন কৰা হয় সুধাকণ্ঠ ভূপেন হাজৰিকাৰ ৯৬ সংখ্যক ওপজা দিন। অৱসৰ প্ৰাপ্ত শিক্ষক, গীতিকাৰ, গায়ক তথা শিল্পী সমাজ টংলাৰ প্ৰতিষ্ঠাপক সভাপতি প্ৰফুল্ল কুমাৰ বৰুৱাই উদ্বোধন কৰা একাজলি শ্ৰদ্ধাঞ্জলি অনুষ্ঠানত গায়ত্ৰী তালুকদাৰ, অনিমা নাথ, যত্না ৰাভা, লক্ষহীৰা চহৰীয়া, কিৰণ ডেকা, শিল্পী সমাজ টংলাৰ সভাপতি কমলেশ্বৰ ৰাভা, জোনালী বৰা, পবন বণিয়া, ত্ৰিলোচন ডেকা আদিয়ে ভূপেনদাৰ কালজয়ী গান গাই সাংস্কৃতিক অনুষ্ঠানভাগি  মনোমুগ্ধ কৰি তোলে। টংলা আঞ্চলিক ছাত্ৰ সন্থাৰ সভাপতি প্ৰাঞ্জল ডেকা, টংলা লেখিকা সমাৰোহ সমিতিৰ সভানেত্ৰী নিবেদিতা ডেকা বৰুৱা, সম্পাদিকা পূৰ্ণিমা ভূঞা, বাদ্যযন্ত্ৰ শিল্পী মুক্তা ডেকা, বিশিষ্ট বেহেলা বাদক নৱজিৎ দাস প্ৰমুখ্যে বিভিন্ন ব্যক্তিয়ে পুষ্পাঞ্জলি অৰ্পণ কৰে।