নাৰায়ণপুৰৰ খেৰাজখাত ছিনিয়ৰ ছেকেণ্ডাৰী স্কুলৰ মেধাবী শিক্ষাৰ্থী উপাসনা বৰুৱাৰ এক চমকপদ উদ্ভাৱন আন্তৰাষ্ট্ৰীয় প্ৰতিযোগিতালৈ নিৰ্বাচিত হৈছে। অহা নৱেম্বৰ মাহত অনুষ্ঠিত হ'ব এই প্ৰতিযোগিতা। Exposition of women Innovation and its outreach for Sustainability ৰ ৰাষ্ট্ৰীয় পৰ্যায়ৰ প্ৰতিযোগিতাত অংশ গ্ৰহণ কৰি দেশৰ নিৰ্বাচিত ১০ টা প্ৰকল্পৰ ভিতৰত স্থান লাভ কৰি অসমলৈ গৌৰৱ কঢ়িয়াই আনিবলৈ সক্ষম হৈছে উপাসনাই ৷ ছাত্ৰীগৰাকীয়ে এইবাৰ কেচা কল বিশেষকৈ, জাহাজী, বৰ জাহাজী, ছেনিচম্পা, পুৰাকল আৰু ভীম কলৰ পৰা সম্পূৰ্ণ ঘৰুৱা পদ্ধতিৰে আটাগুৰিৰ বিকল্প প্ৰস্তুত কৰি উলিয়াইছে। এই প্ৰকল্প প্ৰস্তুতিত মেণ্টৰ হিচাপে সহায় কৰিছে ছাত্ৰী গৰাকীৰ শিক্ষক যজ্ঞোৰাম বৰাই।ছাত্ৰী গৰাকীৰ এই সাফল্যত কৃষি মন্ত্ৰী অতুল বৰা, জিলা উপায়ুক্ত সুমিত সাত্তৱানে অভিন্দন জ্ঞাপন কৰিছে।