ભાવનગર રોડ ફાયર બ્રિગેડ પાસે દારૂડીયા પતિએ તેનાથી અલગ રહેતી પત્નીને દસ્તાવેજ અને કપડા દેવા બોલાવી બે-ફામ ઢીકાપાટુનો મારમારતાં સારવારમાં અત્રેની સીવીલે ખસેડવામાં આવ્યા હતાં. બનાવ અંગે સિવિલ ચોકીના સ્ટાફે થોરાળા પોલીસને જાણ કરી હતી. પ્રાપ્ત વિગત અનુસાર, મોરબી રોડ જકાત નાકા પાસે રહેતાં હમીદાબેન ઈમરાનભાઈ બ્લોચ (ઉ.વ.45) ને તેનાથી અલગ રહેતા તેના પતિ ઈમરાને તેમના દસ્તાવેજ અને કપડા આપવા માટે ફાયરબ્રિગેડ પાસે બોલાવી હતી જયાં હમીદાબેન પહોંચતા ઈમરાન અને અજાણ્યો શખ્સ દારૂના નશામાં ઉભેલ હતાં. અને તેમને ફરીવાર મને અહિ બોલાવી નહી તેવું કહેતા બંન્ને ઉશ્કેરાયા હતાં. અને કપડા ફાડી નાખી ઢીકાપાટુનો માર માર્યો હતો.