বোকাখাত বিধানসভা সমষ্টিৰ মহুৰামুখ অঞ্চলৰ স্বাস্থ্য সেৱাৰ এক মাত্ৰ নিৰ্ভৰস্থল মহুৰামুখ ক্ষুদ্ৰ প্ৰাথমিক স্বাস্থ্য কেন্দ্ৰলৈ নুমলীগড় শোধনাগাৰ লিমিটেড চমুকৈ এন আৰ এলে আগবঢ়ালে এখন এম্বুলেঞ্চ। এন আৰ এলৰ সামাজিক দায়বদ্ধতা আঁচনিৰ অধীনত আগবঢ়োৱা এম্বুলেন্সখন আজি উৎসৱমুখৰ পৰিৱেশত ফিটা কাটি মুকলি কৰিলে স্থানীয় বিধায়ক তথা মন্ত্ৰী অতুল বৰাই।স্বাস্থ্য কেন্দ্ৰটোৰ পৰিচালনা সমিতিৰ সভাপতি ৰিন্টু শইকীয়াই আঁত ধৰা এম্বুলেঞ্চ মুকলি অনুষ্ঠানত বোকাখাত মহকুমাৰ মহকুমাধিপতি ডা: নেহা যাদব, নুমলীগড় শোধনাগাৰৰ মহা প্ৰবন্ধক মিন্টু সন্দিকৈ,সহ: প্ৰবন্ধক তীৰ্থ প্ৰতীম দেৱ,জেষ্ঠ চিকিৎসক ডা: সমীপ জ্যোতি বৰা,আশাকৰ্মী, চিকিৎসা কৰ্মী লগতে কেইবাজনো বিশিষ্ট ব্যক্তি উপস্থিত থাকে।