বুধবাৰে তিনিচুকীয়াৰ হোটেল এৰমা’ত তিনিচুকীয়া পৌৰসভাৰ উপ পৌৰপতি নৱনীতা আগৰৱালাৰ নেতৃত্বত আন ১১ গৰাকী ৱাৰ্ড কমিচনাৰৰ উপস্থিতিত এখন সংবাদমেল সম্বোধন কৰে ৷ পৌৰসভাৰ চৰ্চিত বিষয়ৰ সন্দৰ্ভত সংবাদমেল সম্বোধন কৰি ৩ ছেপ্তেম্বৰত পৌৰসভাত পৌৰপতিক মন্ত্ৰী কিষানে অপদস্থ কৰাৰ দৰে কোনো ঘটনা সংঘটিত হোৱা নাই বুলি মন্তব্য কৰে ৷ কিন্তু ৰহস্যজনকভাৱে পৌৰপতি জয়ন্ত বৰুৱা আৰু আন দুগৰাকী ৱাৰ্ড কমিচনাৰ ক্ৰমে প্ৰদীপ দাস আৰু ধীৰজ সিঙে সংবাদমেলত অনুপস্থিত থকাটো ৰহস্যজনক ৷